ОХУ-аас Сүхбаатар боомтоор 2026 оны 08 дугаар сарын 07-нд 61 вагон буюу 3,448 тонн Аи-92 автобензин орж ирснийг шуурхай тээвэрлэн, буух өртөөд буюу Толгойт, Аршаант, Дархан, Эрдэнэт, Улаанбаатар өртөөдөд хүргэж, өнөөдөр агуулахад буулгах ажлыг зохион байгуулж байгаа юм байна.
ОХУ-аас шатахууны импорт тасралтгүй хийгдэж байгаа ба 2026 оны 08 дугаар сарын 01-нээс 07-ны өдрүүдэд Сүхбаатар боомтоор 15,158 тонн Аи-92 автобензин орж ирээд байгаа аж.
Ангарскийн боловсруулах үйлдвэрээс 2026 оны 08 дугаар сарын 04-ний өдөр ачигдсан 39 вагон буюу 2,241 тонн Аи-92 автобензин өнөөдөр хилээр орж ирэх төлөвлөгөөтэй байгаа юм байна.
2026 оны 08-р сарын 06-ны өдөр ААН-үүдийн агуулахаас Улаанбаатар хотын 154 ШТС руу 1,200 тонн, орон нутгийн нийт 149 ШТС-руу 1,256 тонн Аи-92 автобензиний ачилт хийсэн байна.
Төмөр замын Сүхбаатар боомтоор Монгол Улсад импортоор орж ирсэн шатахуунтай вагоныг буух өртөөдөд тээвэрлэн хүргэх, буулгах, ШТС-ууд руу ачих ажлыг УБТЗ, Гаалийн байгууллага болон холбогдох байгууллагууд, импортлогч ААН-үүд хамтран 24 цагаар тасралтгүй шуурхай зохион байгуулан, бүхий л боломжит арга хэмжээ авч ажиллаж байна гэв.
