Итали Улсын Милан, Кортина хотод болж буй цагаан олимпын наадам дөрөв дэх өдрөө үргэлжилж байна.
Манай улсаас гурван тамирчин энэ удаагийн олимпод хурд сорьж байгаа билээ. Тэдний хоёр нь буюу гүйлтийн цанын төрөлд оролцож байгаа Э.Ариунтунгалаг, Б.Ачбадрах нар спринт төрөлд өнөөдөр уралдах хуваарьтай байв.
Гэрэл зургийг: Э.Харцага
Эмэгтэйчүүдийн ангилалд өрсөлдсөн Э.Ариунтунгалаг урьдчилсан гараанд 4:15.19 минутын амжилтаар 89 тамирчнаас 68 дугаар байр эзэллээ. Манай тамирчны ард Латви, БНХАУ-ын гурав, БНСУ, Бразил, Украин, Аргентины тус бүр хоёр, Казахстан, Хорват, Болгар, Румын, Серб, Литвийн тамирчид жагсжээ.
Энэ төрөлд Шведийн гурван цаначин урьдчилсан шатанд тэргүүлсэн юм. Эхний 30 байранд орсон тамирчид дараагийн шатанд шалгардаг аж.
