Боловсролын сайд Л.Энх-Амгалан Монгол Улсын Ерөнхий прокурор Б.Жаргалсайхантай уулзжээ.
Уулзалтаар Боловсролын Зээлийн Сан(БЗС)-гийн зээлийн эргэн төлөлтийг сайжруулах, зээлээ төлөхөөс санаатай зайлсхийж төрд хохирол учруулсан тохиолдлуудыг шалгаж, төрд учирсан хохирлыг нөхөн төлүүлэх чиглэлээр прокурорын байгууллагатай хамтран ажиллах хүсэлт тавьсан байна.
Түүнчлэн
- Зээлийн гэрээний хэрэгжилтийг нягтлан шалгах
- Эргэн төлөлтөөс зайлсхийсэн, хууль зөрчсөн үйлдлийг илрүүлэх
- Төрд учирсан хохирлыг нөхөн төлүүлэх эрх зүйн арга хэмжээг эрчимжүүлэх асуудлаар санал солилцож, хамтын ажиллагааг бэхжүүлэхээр тохиролцсон гэж Боловсролын Яамнаас мэдээлэв.
Энэхүү ажлын хүрээнд зээлийн сахилга, хариуцлагыг дээшлүүлж, сангийн тогтвортой, ил тод үйл ажиллагааг хангах юм байна.