Ирэх зургаадугаар сарын 19-нөөс 21-нийг дуустал жүдогийн Улаанбаатар Их Дуулга тэмцээн болно. 2028 оны олимпын оноо олгож эхлэх тус тэмцээнд оролцох багууд эхнээсээ бүрэлдэхүүнээ зарлаад эхэлжээ.
Тодруулбал Японы жүдогийн холбоо өчигдөр багийн бүрэлдэхүүнээ зарлав.
Тус эрэгтэй багийн ахлагчаар олимпын алт, дэлхийн хошой Кэйжи Сүзүки, эмэгтэй багийн ахлагчаар олимпын алт, мөнгөн медальт Маки Цүкада нар сонгогдсон байна.
Харин багийн бүрэлдэхүүнд
эрчүүд,
- 60 кг: Рюүки Нагаяма,
- 66 кг: Такеши Такеока,
- 73 кг: Рюүга Танака,
- 81 кг: Юүхэй Оино,
- 90 кг: Санширо Мүрао,
- -100 кг: Рётаро Масүчи,
- +100 кг: Канта Накано
эмэгтэйчүүд
- 48 кг: Вакано Кога,
- 52 кг: Үта Абэ,
- 57 кг: Акари Омори,
- 63 кг: Харүка Кажо,
- 70 кг: Шихо Танака,
- 78 кг: Икэда Күренай,
- +78 кг: Мао Араи нар багтжээ.
