“One” холбооны холимог тулааны аварга Б.Энх-Оргил аваргын бүсээ хамгаалах эхний тулаанаа хийлээ.
Тайландын Бангкок хотноо долдугаар сарын 31-ний Баасан гарагт “The Inner Circle 24”-ийн оргил тулаанаар Монголын Б.Энх-Оргил, Азербайжан гаралтай ОХУ-д бэлтгэлээ базаадаг Эльбек Алышов нар тулалдсан юм.
Харамсалтай нь хоёрдугаар үеийн 2:52 дахь минутад Э.Алышовын өлгөсөн цохилт байдаа туссанаар аваргын бүсийг эзэмших боллоо. Уг нь тулааны эхний үед манай тамирчин илүү санаачилгыг авсан ч дараагийн үед үүнийгээ хадгалж чадсангүй.
Азербайжан гаралтай Э.Алышов өдгөө 27 настай. Манай тамирчнаас 10 насаар дүү энэ эр холимог тулааны замналдаа нэг ч ялагдаагүй буюу 11:0 амжилтаа үргэлжлүүлж байна. “One” холбоонд гурав дахь тулаандаа дараалан ялснаар богино хугацаанд аваргын бүс эзэмших боллоо.