Баянгол дүүргийн 20, 29 дүгээр хорооны нутаг дэвсгэрт Гурвалжингийн гүүр орчимд байдаг том оврын машин, техник байршуулах гурван байршлыг танилцуулж, улмаар Баянгол дүүргийн 20 дугаар хорооны нутаг дэвсгэрт 3,621 ам.метр газарт машин техникүүдийг нүүлгэн шилжүүлэхээр болжээ.
Нийтийн эзэмшлийн зам, талбай дээр элс, цемент, хайрга зарж байгаа асуудлыг цэгцлэх, үйл ажиллагааг нь зогсоохоор энэ сарын 1-ний өдрөөс мэдэгдэл өгч эхэлсэн байна.
Мөн Гурвалжингийн гүүр орчимд худалдаа эрхэлж буй найман иргэнд барилгын материал нь гарал үүслийн болон тохирлын гэрчилгээтэй, эрүүл ахуйн шаардлага хангасан, хүрээлэн буй орчинд сөрөг нөлөөгүй байх, хадгалалт, тээвэрлэлтийн горим баримтлах талаар Хяналтын улсын байцаагчийн зөвлөмж хүргүүллээ гэж НЗДТГ-ын хэвлэлийн хэлтсээс мэдээллээ.