Сэтгүүлч Р. Эмүжин: Гал тогооны ажилд насан туршдаа суралцана гэж байх уу?
Цагаан будаагаа зөв сонгочих гээд төөрч өгнө өө. Заримдаа аз таараад гайгүй будаатай найзлаад авна, за хааяа ч тэгээд хаячихмаар санагдтал хачин юм таарна. За тэгсэн цагаан будааны чийгшилд хамаг учир нь байдгийг Japonica гэдэг энэ япон сортоос л мэдэж авлаа. Чийгшил өндөр байх тусмаа шингэц сайн, бодисын солилцоо хурдан, амин дэмүүд нь зохистой шингэдэг ажээ.
Талбайдаа нэг удаа цагаан будаа тариалаад, хөрсөө амрааж, арчилж, тэтгэдэг юм байна. Тэгсэн тохиолдолд цагаан будааны чийгшил зохих хэмжээнд өндөр байдаг гэнэ. Газраа тордож арчлахгүйгээр ар, араас нь 2-4 удаа тариалбал цагаан будааны чанар муудаж, агшаахад бөөгнөрч, идэхэд шингэц муутай болдог талаар Така гээд энэ тогоочийн ярихыг сонслоо.
Хүнсний зүй зохистой шаардлагыг хамгийн сайн хангадаг будаа нь Японы Japonica гэнэ дээ. Саяхнаас хэрэглэж байгаа, цаанаа өег, бас царайлаг будаа байна билээ. Япон чанар ч өөр л дөө. Тэр тусмаа хамгийн их өсдөг будаа гэсэн үнэлгээтэй. Наран улсын зочлох, дайлах ёсны бэлгэ тэмдэг болсон сушиг Japonica сортгүйгээр төсөөлөх аргагүй. Үндэсний хоолных нь гол орц учраас будаандаа хэдэн зууны өмнөөс хүндэтгэлтэй хандсаар ирсэн.
Japonica цагаан будааг яг япончууд шиг амтархан идье гэвэл эхлээд угаана, тэгээд хоёр цаг усанд дэвтээгээд, дараа нь агшаана. Тэгсэн цагт өндөр зэрэглэлийн япон чанарыг гал тогоондоо авчирлаа л гэсэн үг. Дэвтээхээсээ залхуураад байсан, энэ амралтын өдрөөр зориуд заавраар нь агшааж үзлээ, янзтай гоё! Будаа ийм байх ёстойг бараг мартжээ.