Монгол Улсын Засгийн газар болон Бүгд Найрамдах Солонгос Улсын Засгийн газар хамтран хэрэгжүүлж байгаа “Агаарын чанарын хяналтын автомат харуул суурилуулах, улсын нэгдсэн сүлжээний чадавхыг бэхжүүлэх” төслийн хүрээнд Агаарын чанарын хөдөлгөөнт станцыг хүлээн авлаа.
Агаарын бохирдлыг зөв тодорхойлж, шинжлэх ухааны үндэслэлтэйгээр үнэлэхийн тулд бидэнд найдвартай ажиллагаатай агаарын чанарын хяналтын систем шаардлагатай байсаар ирсэн.
Тус агаарын чанарын хөдөлгөөнт станц нь агаарын бохирдлыг цаг тухайд нь, бодит нөхцөлд, газарзүйн хувьд дурын цэгээс хэмжих боломжийг олгож байгаагаараа онцлог юм. Үүний үр дүнд агаарын чанарыг сайжруулах бодлогын шийдвэрүүдээ илүү үндэслэлтэй гаргах, иргэдээ мэдээллээр хангах, цаашлаад бохирдлын эх үүсвэрийг бууруулах үр дүнтэй алхмууд хийх боломжтой болж байна.
Эх сурвалж: ЦУОШГ
