Өнөөдөр буюу долдугаар сарын 18-нд баруун болон төвийн аймгуудын нутгийн зарим газраар бороо, дуу цахилгаантай аадар бороо орох талаар цаг уурын байгууллагаас мэдээллээ.
19-нд баруун аймгуудын нутгийн зүүн хэсэг, төвийн аймгуудын ихэнх нутаг, говь болон зүүн аймгуудын нутгийн зарим газраар,
20-нд баруун болон говийн аймгуудын зарим газар, төв болон зүүн аймгуудын ихэнх нутгаар бороо, дуу цахилгаантай аадар бороо орох юм байна.
Иймд болзошгүй үер, ус, мөндөр, нөөлөг салхины аюулаас сэрэмжтэй байхыг цаг уурын байгууллагаас анхаарууллаа.
Улаанбаатарт энэ сарын 19, 20-нд дуу цахилгаантай аадар бороо орох юм байна.