Цахим спортын “Counter Strike 2” тоглоомын нэгдүгээр зэрэглэлийн “Thunderpick World Championship 2025” тэмцээн Мальт улсад өнөөдөр эхэллээ.
Манай улсын “The MongolZ” багийн хувьд А хэсгийн эхний учраандаа Аргентины “9z Team” багийн эсрэг “Во3” (гурав “map”-аар ялагчийг тодруулах) журмаар тоглож, 2:0 онооны харьцаатай ялалт байгууллаа.
Өнөөдрийн тоглолтод манай баг Аргентинчуудын сонгосон “Dust II map” дээр 13:3-аар, өөрийн сонгосон “Ancient map” дээр 13:5 тооны харьцаатай хожив.
Тэд маргааш А хэсгийг тэргүүлж буй Бразилын “FURIA” багийн эсрэг 16:30 цагт тоглоно. Хэрэв хожвол хэсгээсээ нэгдүгээр байраар шөвгийн дөрөвт шалгарна.
“Thunderpick World Championship 2025” тэмцээнд түрүүлсэн баг 500,000 ам.долларын шагнал авна. Харин дэд байр шалгарвал 150,000 ам.доллар өгөхөөр тэмцээн зохион байгуулагчид төсөвлөсөн билээ.