Аж үйлдвэр, эрдэс баялгийн сайд Г.Дамдинням өнөөдөр БНХАУ-ын Монгол Улсад суугаа Онц бөгөөд Бүрэн эрхт Элчин сайд Шэнь Миньжуаньтай шатахууны нийлүүлэлтийн асуудлаар уулзаж ярилцжээ.
Уулзалтын үр дүнд тус улсаас импортлох Евро-5 стандартын АИ-92 автобензиний биет хэмжээг хоёр дахин нэмэгдүүлэх, тээвэрлэлтийг шуурхай зохион байгуулах талаар ярилцаж тохиролцсоноо сайд Г.Дамдинням өөрийн цахим хуудсандаа бичжээ.
Мөн АҮЭБЯ болон импортлогч ААН-ийн төлөөлөл Бээжин хот руу явж урьдчилан тохирсон нэмэлт гэрээ хэлцлүүдийг хийхээр ажиллаж байгаа аж.